Coidados saudables

Usar o chupete non é algo obrigatorio, e hai bebés que o rexeitan. Só cumpre a misión de satisfacer o instinto de chupar, tranquilizando o bebé, pero non debe ser un fácil substituto dos coidados necesarios. Non prolongar o uso do chupete máis alá dos 12 ou 15 meses para evitar deformacións na boca e na dentadura.

O bebé debe colocarse boca arriba para durmir pola noite e á hora da sesta. Cando estea esperto, e baixo a supervisión dun adulto, o bebé debe pasar algún tempo boca abaixo.

Non se nace sabendo ser nai e pai, apréndese a selo á vez que medran e maduran os fillos.O baño ten que ser un rito diario, nun lugar con temperatura agradable ao redor dos 20°C, sen correntes de aire, e no momento do día que nos permita facelo con calma.

Os xoguetes desempeñan un importante papel na vida infantil, xa que por medio dos xogos o neno divírtese e coñece o mundo que o rodea. Enseguida xogará co seu propio corpo, e máis adiante, con obxectos rechamantes e que produzan sons suaves.