É moi importante non esquecerse das vacinas

As vacinas son medicamentos que estimulan a produción de defensas fronte ás enfermidades infecciosas máis graves e frecuentes provocadas por virus ou bacterias, contribuíndo a impedir un posible contaxio, e axudan a controlar ou mesmo eliminar as epidemias por estas enfermidades. Cada vez que corresponda, o/a pediatra rexistrará na cartilla de saúde infantil os tipos e doses das vacinas administradas en cada ocasión.

Vixiar o desenvolvemento psicomotor

O seguínte cadro resumo de desenvolvemento, axuda a facer un seguimento da súa evolución na motricidade e na maduración psicolóxica, e de como se vai adaptando progresivamente ao seu medio.

As «curvas de crecemento» son unha ferramenta útil para rexistrar e avaliar as medicións do peso, tamaño e perímetro cranial, pero hai que analizalas de forma cautelosa. Interpretacións erróneas poden supoñer unha preocupación inxustificada á familia ou a adopción de medidas innecesarias

Desde os catro ou seis meses ata o ano de idade. Nesta etapa, debemos afacer o bebé aos novos sabores, comezando polos cereais, as froitas, as verduras e as carnes, e instaurar o hábito de uso da cunca e da culler, abandonando totalmente o uso do biberón. É, por tanto, unha etapa crítica para os futuros comportamentos e hábitos alimentarios.

Os xoguetes desempeñan un importante papel na vida infantil, xa que por medio dos xogos o neno divírtese e coñece o mundo que o rodea. Enseguida xogará co seu propio corpo, e máis adiante, con obxectos rechamantes e que produzan sons suaves.

Trátase dun aumento da temperatura do corpo por enriba dos 38°, cando se mide na axila ou na ingua, e dos 38,5° se a tomamos no ano. Se está entre os 37° que é o normal e os 38°, fálase de febrícula. A febre acompaña case sempre ás enfermidades infecciosas máis comúns da infancia.